ixatv.az

Venesuela ABŞ-ın sanksiyalarına məhəl qoymadı

27-11-2020, 15:33

Venesuela ABŞ-ın sanksiyalarına məhəl qoymadıVenesuela ABŞ-ın sanksiyalarına rəğmən, Çinə birbaşa neft tədarükünü bərpa edib.

“Reuters” bu barədə Venesuela dövlət neft və qaz şirkəti PDVSA-nın rəsmi sənədlərinə istinadən xəbər yayıb.

Agentliyin məlumatına görə, Venesuela neftini birbaşa Çinə göndərən ilk tanker avqustun sonunda Venesuelanın Xose limanına 1,8 milyon barel ağır neft yükləyərkən “Tanker Trackers” monitorinq xidməti tərəfindən aşkarlanıb.

Bildirilir ki, PDVSA-nın müştərilərindən olan Çin Milli Neft-qaz Korporasiyası və neft-qaz nəhəngi “PetroChina” 2019-cu ilin avqust ayında Venesuela limanlarında xammal yükləməyi dayandırıb. Bu, Venesuela şirkətinə qarşı ABŞ məhdudiyyətlərinin genişlənməsindən sonra baş verib.

Vaşinqton rəhbərliyinin Venesuelanın neft sektoruna tətbiq etdiyi sanksiyalar ABŞ şirkətlərinin prezident Nikolas Maduro hökuməti tərəfindən idarə olunan hər hansı bir hökumət və ya müəssisə ilə ticarət etməsini qadağan edir.

Qeyd edilir ki, ABŞ 2019-cu ilin 28 yanvarından Venesuelanın dövlət neft şirkəti PDVSA-ya qarşı sanksiyalar tətbiq edib.


Mətndə səhv var? Onu siçanla seçin və Ctrl+Enter düyməsini basın. Oxunub: 142}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.İxatv.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və baş redaktor: Rasafil Bayramov
Tel: (+99450) 328-10-58
E-mail: ixatv.az@gmail.com
Ünvan: Mətbuat pr. Azərbaycan nəşriyyatı