ixatv.az

AFFA-nın Almaniyada yaşayan sabiq əməkdaşı Ordumuza dəstək oldu

10-10-2020, 11:32

AFFA-nın Almaniyada yaşayan sabiq əməkdaşı Ordumuza dəstək oldu
Hazırda Almaniyada yaşayan azərbaycanlı keçmiş futbol məşqçisi Aleksandr Yampolski Ordumuza dəstək olub.

Bu barədə "ixatv.az"a AFFA-nın sabiq baş katibi Çingiz İsmayılov məlumat verib.

O bildirib ki, 90-cı illərdə AFFA-da işləmiş mütəxəssis Orduya 1 000 avro göndərib: "O, 1995-ci ilə qədər Bakıda yaşayıb. Yampolski Ordumuza maddi dəstək olmaq istəyib. Lakin Almaniyada yaşadığı üçün pulu birbaşa göndərə bilməyib. Bakıda yaşayan yaxın bir dostuna göndərib, həmin şəxs pulu götürüb və manata çevirdikdən sonra müvafiq hesaba ödəyib".

İsmayılov Yampolskinin atasının tarixçi olduğunu vurğulayıb: "Atası həmişə kitablarında ermənilərin Azərbaycana nə vaxt gəldiyini yazıb. Yampolski hər dəfə mənə zəng edəndə cəbhədəki durumu soruşur. Özü Bakıya bağlıdır. Bacısı Rusiyanın paytaxtı Moskvada yaşadığı üçün həm ora gedir, həm də Bakıya gəlir. Bu il də gəlmək istəyir".

AFFA-nın sabiq baş katibi deyib ki, Aleksandr Yampolski müstəqillik illərində AFFA-nın yaradıcılarından olub: "1992-ci AFFA-da yarışları keçirən şöbənin müdiri olub".


Mətndə səhv var? Onu siçanla seçin və Ctrl+Enter düyməsini basın. Oxunub: 12}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.İxatv.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və baş redaktor: Rasafil Bayramov
Tel: (+99450) 328-10-58
E-mail: ixatv.az@gmail.com
Ünvan: Mətbuat pr. Azərbaycan nəşriyyatı