ixatv.az

İlham Əliyev Lukaşenko ilə telefonla danışdı

22-05-2021, 19:52

İlham Əliyev Lukaşenko ilə telefonla danışdı
















Azərbaycan Prezidenti İlham Əliyevlə Belarus Prezidenti Aleksandr Lukaşenkonun telefon danışığı olub.

Bu barədə Belarus Prezidentinin mətbuat xidməti məlumat yayıb. Bildirilir ki, liderlər hər iki ölkədəki vəziyyəti müzakirə edib, aktual məsələlər üzrə fikir mübadiləsi aparıblar. Bundan əlavə, dövlət başçıları ticarət dövriyyəsinin artdığını və ikitərəfli münasibətlərin inkişafında böyük potensialın olduğunu məmnunluqla qeyd ediblər.

“Azərbaycan Prezidenti Ermənistan-Azərbaycan sərhədindəki vəziyyətlə bağlı ətraflı məlumat verdi, məlum hadisə ilə bağlı Azərbaycanın mövqeyini ortaya qoydu. Aleksandr Lukaşenko vəziyyətin yaxın günlərdə həll olunacağına ümid etdiyini bildirdi”, - deyə məlumatda qeyd olunur.

Prezidentlər telefon danışığı zamanı ikitərəfli əlaqələrin inkişafı ilə bağlı da müzakirələr aparıblar.

Ölkə rəhbərləri əməkdaşlıq sahələrini və Lukaşenkonun bu yaxınlarda Azərbaycana səfəri zamanı əldə olunan razılaşmaların həyata keçirilməsini ətraflı müzakirə ediblər.


Mətndə səhv var? Onu siçanla seçin və Ctrl+Enter düyməsini basın. Oxunub: 32}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.İxatv.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və baş redaktor: Rasafil Bayramov
Tel: (+99450) 328-10-58
E-mail: ixatv.az@gmail.com
Ünvan: Mətbuat pr. Azərbaycan nəşriyyatı